ESpeak

De Wiki de Softaragonés
Versión d'o 22:26 27 mar 2013 feita por Juanpabl (Descutir | contrebucions)

(dif) ← Versión anterior | Versión actual (dif) | Versión siguient → (dif)
Ir ta: navego, busca

O eSpeak ye un sintetizador de voz u conversor de texto ta voz multilingüe y compacto. Ye un programa de codigo libre. O programa eSpeak emplega un metodo de "sintesi de formantes". Isto permite aproveitar os recursos y ofrir a sintesi de muitos idiomas en un programa chicot. A voz ye clara, y se puede fer servir mesmo a altas velocidatz, pero no ye tant natural u suau como a que ofreixen sintetizadores mas grans que se basan en gravacions d'a voz humana u atros metodos computacionalment mas complexos. O eSpeak ye disponible como:

  1. Un programa de linia de comandos (Linux y Windows) ta charrar de texto dende un fichero u dende a dentrada estandar.
  2. Una biblioteca compartida para o suyo uso por atros programas. (En Windows isto ye una DLL).
  3. Una versión SAPI5 ta Windows, por o que puede estar utilizau con os lectors de pantalla y atros programas que admiten a interficie de Windows SAPI5, como por eixemplo, o lector de pantalla NVDA.
  4. eSpeak tamién ha estau portiau ta atras plataformas, incluindo Solaris y Mac OSX.
  • Mena de software: Sintetizador de voz / Conversor de texto ta voz
  • Licencia: Software Libre (Licencia GNU GPL)
  • Plataforma: Windows, Linux, Mac OSX, Solaris.
  • Puesto web: espeak.sourceforge.net
  • Mena de localización: Voz pa l'aragonés, oficial dende a versión 1.47.01. As aplicacions que s'instalan con o software no son localizadas.
  • Estau: A voz pa l'aragonés s'inclui dende a versión 1.47.01. Puede emplegar-se en versions anteriors. Se ye treballando en amillorar as caracteristicas d'a voz.

Descarga

  • Baixa-te dende aquí a zaguera versión estable d'eSpeak ta o tuyo sistema operativo. Una vez baixau extrai-ne os fichers y executa o fichero d'instalación, seguindo as instruccions dica o momento que o programa dé a opción de trigar as voces que se ferán servir por defecto. Ta tener a voz aragonesa escribe: an. Puetz instalar dica cinco voces. Dimpués, remata a instalación y ya lo tiens presto ta charrar en aragonés.

Localización disponible en aragonés

O programa tien d'una voz ta leyer textos en aragonés.

Instruccions d'instalación

Instalación en Windows

  • Baixa-te a zaguera versión estable d'eSpeak dende a pachina oficial d'eSpeak.
  • Instala-lo en o tuyo ordinador, seguindo as instruccions de l'instalador. Quan o programa te digas de trigar as voces que se ferán servir, escribe "an" ta indicar-le a voz en aragonés.
  • Executa lo programa espeakedit.
  • Escribe u apega o texto que quieras que o sintetizador leiga en o quadro de texto.
  • Selecciona a voz eSpeak "an" y as opcions que deseyes.
  • Preta o botón "Speak" ta escuitar o texto que has escrito. Tamién puetz pretar o botón "Speak to .WAV" ta alzar o mensache en un fichero de son.

Contacto

Puetz escribir a o correu softaragones@googlegroups.com u bien deixar o tuyo comentario en a pachina de discusión

Vinclos externos