Tux Paint

De Wiki de Softaragonés
Ir ta: navego, busca


Tux Paint ye un programa de debuixo pa ninos de 3 a 12 anyos (infantil y primaria). Ye de codigo libre y ha ganau bells quantos premios. Tux Paint se fa servir en escuelas de tot o mundo como ferramienta ta l'aprendizache de debuixo por ordinador. Tien una interficie facil con divertius efectos de son y una mascota de debuixos animaus que guía a os ninos que fan servir o programa.

Tux Paint se puede instalar y distribuir librement en qualsequier ordinador con Windows, Mac OS X u Linux. O codigo fuent ye disponible baixo una licencia GNU GPL que permite as modificacions ta usos no comercials.

  • Mena de software: Software de dibuixo, Software educativo
  • Licencia: Software Libre (GNU General Public License)
  • Plataforma: Windows, Linux, Mac
  • Puesto web: www.tuxpaint.org/
  • Mena de localización: Oficial d'o programa (dende a versión siguient a la 0.9.22) y d'os siellos (versión 2014.08.23). Web en aragonés.
  • Estau: Localización oficial.

Descarga

O programa, que inclui a versión en aragonés, se puede baixar y instalar dende www.tuxpaint.org/. A nueva versión ye disponible pa Microsoft Windows, Red Hat Linux, Fedora Linux y como codigo fuent. Os paquetz pa atros sistemas como Apple, Debian u Ubuntu, encara s'ofreixen en a versión antiga, que no permite trigar a versión en aragonés.

Antiparte d'o programa con as ferramientas basicas, ye consellable baixar-se-ne tamién os Siellos, una replega de cientos d'imachens que se pueden emplegar pa fer dibuixos, totz con o suyo nombre en aragonés. Os Siellos se pueden baixar tamién dende [O programa, que inclui a versión en aragonés, se puede baixar y instalar dende ista adreza.

Localización disponible en aragonés

  • A localización completa d'o programa y d'os siellos (que s'instalan aparte). O software ye unico, y ye o programa de configuración qui permite trigar o idioma que tendrá o software.

Instruccions d'instalación

Instalador de Tux Paint 0.9.22 ta Windows XP, 2000, Vista, 7 y 8

  1. En primeras baixa-te o instalador fendo clic aquí u dende aquí.
  2. Executa o programa d'instalación en o tuyo ordinador, triga un idioma a fer servir en a instalación y sigue as instruccions.
  3. Dende o menú d'Inicio, en a carpeta Tux Paint, executa o programa de configuración Configure Tux Paint. O propio instalador tamién lanza o programa de configuración si le dices que execute o Tux Paint por primer vez. En a finestra que te saldrá, puncha en a pestanya Languages, y en a sección Language: fe clic en lista desplegable ta trigar Aragonese. Dimpués puncha en Apply (u Aplicar) y ya puetz zarrar o programa (Quit).
  4. Ya puetz debuixar y desfrutar con Tux Paint en aragonés executando o programa en una finestra Tux Paint (Windowed) u bien en pantalla completa Tux Paint (Full Screen).

Instalador provisional versión Tux Paint 0.9.22 ta Linux (RedHat, Fedora)

  1. Existe un paquet RPM, que puetz baixar-te dende aquí u fendo clic aquí.
  2. Instala-lo en o tuyo sistema Linux y sigue as instruccions que se dan ta la instalación en Windows pa la configuración d'idioma.

Atros sistemas operativos

  1. Compreba aquí si a versión 0.9.22 (a primera que ye en aragonés) ye disponible ta o tuyo sistema operativo. Si ye asinas, sigue o vinclo y as instruccions anteriors. Si amaneixe una versión anterior, puetz instalar-la pero encara no tendrás a posibilidat de fer servir o software en aragonés.

Instalador d'os Siellos (Stamps)

  1. Descarga iste fichero comprimiu y descomprime-lo en un directorio d'o tuyo ordinador. O resultau será a creación d'una carpeta data. Copia a rota d'ixa carpeta (p. eix. C:\...\data\).
  2. Torna a executar o programa de configuración Configure Tux Paint. En a pestanya data, a la dreita, has de marcar o quadret que diz Use Alternative Data Directory, y en o quadro Alternative Data Directory: puetz copiar dreitament a rota d'a carpeta que has creau en o paso anterior. Tamién la puetz trobar navegando en o tuyo arbol de directorios con Browse.... Acorda-te de fer clic en o botón Apply ta que totz os cambios s'apliquen a o programa. Quan tornes a enchegar o Tux Paint tendrás a la tuya disposición bells cientos de siellos de toda mena, con a suya descripción en aragonés.
  3. Si no consigues fer a instalación que s'indica en os puntos anteriors pero quiers emplegar os siellos, puetz instalar simplament a zaguera versión publicada d'os siellos (stamps) dende http://www.tuxpaint.org/download/, pero en ella, as descripcions d'os siellos no amaneixen encara en aragonés.

Contacto

Puetz escribir a o correu softaragones@googlegroups.com u bien deixar o tuyo comentario en a pachina de discusión

Vinclos externos