Conchugador de verbos
Ista ferramienta ye feita con toda la buena intención d'o mundo pa que toda la chent que ye aprendendo aragonés tienga acceso ta las conchugacions completas de cualsequier verbo. Ye feita en ratos libres y de traza voluntaria, asumo que podez trobar-bi bella error. As criticas constructivas son bien recibidas.
Lo conchugador no sustituye l'aprendizache d'os verbos por otros meyos, como pueden estar las clases u los metodos, si no que los complementa.
La ferramienta ye adaptada por defecto con a grafía oficial de l'aragonés, feita por l'Academia aragonesa d'a luenga o 3 d'abril d'o 2023. La resta de grafías viellas encara se pueden fer servir a modo de consulta trigando-las entre las opcions. Como nota pa aclarir-lo me fa falta decir que lo conchugador no mete toda la parola en garra grafía, ni valida que siga de raso escrita en ixa grafía, si no que se basa en o modelo d'una grafía u otra pa trobar las peculiaridaz d'a parola y tornar-la en todas las formas d'a suya conchugación.
Tamién aclarir que las formas verbals y pronominals refleixadas aquí son una selección arbitraria baixo lo mío criterio personal pa no tornar barrenau a lo programa, y que no son, ni pretenden estar-ne, las unicas validas.
¿Qué se puet conchugar aquí?
Lo programa ye pensau pa que conchugue automaticament qualsiquier mena de verbo, tanto infinitivos normals (p. eix. minchar, beber, vivir) como verbos con particlas pronominals como fer-se-ne, puyar-ie, baixar-bi, tornar-ne, vestir-se, etc. Son contemplaus los verbos irregulars, los impersonals, la conchugación incoativa de bels verbos, los verbos que levan estar como auxiliar, los participios remataus en -au/-iu y en -ato/-ito y las formas completas y apocopadas d'o cherundio y d'a primer persona plural.
Chorche.