Veyer o codigo fuent de «Telegram Messenger»

__NOTOC__
'''Telegram Messenger''' ye una aplicación mobil de mensachería. Antiparte de ninviar mensaches entre usuarios, permite de creyar collas de conversa de dica 200 personas, compartir videos de dica 1GB, ninviar imachens y reninviar a l'inte qualsequier fichero multimedia que recibas. Totz os mensaches son alzaus en a boira, o que permite acceder a ells dende diferents dispositivos. Telegram incorpora un zifrau de mobil-ta-mobil, y permite as conversas secretas, que no s'almagazenan en os servidors de Telegram, y mesmo se pueden programar ta que s'autodestruigan en totz os dispositivos.

As aplicacions clients de '''Telegram Messenger''' tienen licencia de codigo ubierto ( GPLv2) y han estau desembolicadas por [https://play.google.com/store/apps/developer?id=Telegram++LLC Telegram LLC].

*'''Mena de software''': Sociedat, Aplicación mobil
*'''Licencia''': GPLv2.
*'''Plataforma''': Android (>=2.2), (l'aplicación ye disponible en iOS, pero no pas en aragonés)
*'''Sitio web''': https://telegram.org/
*'''Mena de localización''': Paquet d'idioma.
*'''Estau''': Localización completa d'a versión d'Android.

== Descarga ==

* O paquet d'idioma puede descargar-se dende [http://softaragones.org/descargas/telegram_aragones.xml aquí].

== Localización disponible en aragonés ==
* Localización completa d'a interfaz d'usuario.

== Nuevas instruccions d'instalación (nomás en Android por agora)==

=== Metodo 1 (recomendau) ===

# Instala l'aplicación oficial de Telegram Messenger. Si no la tiens instalada, baixa-la y instala-la  dende [https://play.google.com/store/apps/details?id=org.telegram.messenger aquí].

# Quan dentres en l'aplicación, toca o simbolo d'a lupa pa mirar usuarios. Mira l'usuario "@softaragones_bot" u bien as parolas "Robot de Softaragonés". Te saldrá un usuario clamau "Robot de Softaragonés" que en realidat ye un programa que funciona de traza automatizada. Toca ixe nombre pa interaccionar con ell. 

# A partir d'agora nomás has de seguir as instruccions. Manimenos, te las explicamos contino por si tiens garra dubda:

## Preta abaixo de tot, an que diz 'EMPECIPIAR'.
## Escribe o comando '/aduya' u toca o comando que amaneix en azul, y te plegarán una imachen con as instruccions y o fichero de traducción a aplicar.
## Si tiens problemas pa veyer as imachens, escribe en cuenta o comando '/aduyatexto' y te plegarán as instruccions en texto y o fichero de traducción a aplicar.
## Si ya sabes cómo fer-lo y nomás quieres a zaguera versión d'o fichero de traducción, puetz escribir '/zaguerxml' u tocar o comando que sale en azul, y t'arribará un mensache con o fichero de traducción a aplicar.

## Quan te plegue o fichero, si te sale a la zurda una flecha enta abaixo, toca-la pa que o fichero se descargue en o tuyo dispositivo. Quan s'haiga descargar veyerás un clip a la zurda, o nombre d'o fichero en o meyo y tres puntetz verticals, alto a la dreita. Toca en ixos puntetz verticals (no pas en o nombre d'o fichero). 

## Se t'obrirá un menú, selecciona "Aplicar un fichero de localización", y dimpués triga "Aragonés".

# Si has feito istos pasos, ya tiens o Telegram en aragonés.

# Tamién puetz ninviar o fichero telegram_aragones.xml que t'ha plegau a qualsequier atro contacto pa que pueda meter o suyo telegram en aragonés tocando dreitament en os tres puntetz d'o mensache que l'haiga plegau.


== Contacto ==
Puetz escribir a o correu [mailto:softaragones@softaragones.org softaragones(at)softaragones.org] u bien deixar o tuyo comentario en [http://wiki.softaragones.org/index.php?title=Descusi%C3%B3n:7-Zip&action=edit&section=new a pachina de discusión]

== Vinclos externos ==

* [https://telegram.org/ Pachina web oficial de Telegram]

[[Categoría:Software de Comunicación]]
[[Categoría:Sociedat]]
[[Categoría:Programas_Android]]