Diferencia entre revisiones de «Tux Paint»

Versión d'o 10:10 29 ago 2014

Tux Paint ye un programa de debuixo pa ninos de 3 a 12 anyos (infantil y primaria). Ye de codigo libre y ha ganau bells quantos premios. Tux Paint se fa servir en escuelas de tot o mundo como ferramienta ta l'aprendizache de debuixo por ordinador. Tien una interficie facil con divertius efectos de son y una mascota de debuixos animaus que guía a os ninos que fan servir o programa.

Tux Paint se puede instalar y distribuir librement en qualsequier ordinador con Windows, Mac OS X u Linux. O codigo fuent ye disponible baixo una licencia GNU GPL que permite as modificacions ta usos no comercials.

• Mena de software: Software de dibuixo, Software educativo
• Licencia: Software Libre (GNU General Public License)
• Plataforma: Windows, Linux, Mac
• Puesto web: www.tuxpaint.org/
• Mena de localización: Oficial d'o programa (dende a versión siguient a la 0.9.22) y d'os siellos (versión 2014.08.23). Web en aragonés.
• Estau: Localización oficial.

Descarga

O programa, que inclui a versión en aragonés, se puede baixar y instalar dende www.tuxpaint.org/. A nueva versión ye disponible pa Microsoft Windows, Red Hat Linux, Fedora Linux y como codigo fuent. Os paquetz pa atros sistemas como Apple, Debian u Ubuntu, encara s'ofreixen en a versión antiga, que no permite trigar a versión en aragonés.

Antiparte d'o programa con as ferramientas basicas, ye consellable baixar-se-ne tamién os Siellos, una replega de cientos d'imachens que se pueden emplegar pa fer dibuixos, totz con o suyo nombre en aragonés. Os Siellos se pueden baixar tamién dende [O programa, que inclui a versión en aragonés, se puede baixar y instalar dende ista adreza.

Localización disponible en aragonés

• A localización completa d'o programa y d'os siellos (que s'instalan aparte). O software ye unico, y ye o programa de configuración qui permite trigar o idioma que tendrá o software.

Instruccions d'instalación

Instalador de Tux Paint 0.9.22 ta Windows XP, 2000, Vista, 7 y 8

1. En primeras baixa-te o instalador fendo clic aquí u dende aquí.
2. Executa o programa d'instalación en o tuyo ordinador, triga un idioma a fer servir en a instalación y sigue as instruccions.
3. Dende o menú d'Inicio, en a carpeta Tux Paint, executa o programa de configuración Configure Tux Paint. O propio instalador tamién lanza o programa de configuración si le dices que execute o Tux Paint por primer vez. En a finestra que te saldrá, puncha en a pestanya Languages, y en a sección Language: fe clic en lista desplegable ta trigar Aragonese. Dimpués puncha en Apply (u Aplicar) y ya puetz zarrar o programa (Quit).
4. Ya puetz debuixar y desfrutar con Tux Paint en aragonés executando o programa en una finestra Tux Paint (Windowed) u bien en pantalla completa Tux Paint (Full Screen).

Instala tamién os siellos

1. Instala os siellos dende aquí u fendo clic aquí. T'has de baixar o programa instalador y executar-lo ta instalar-los. Quan tornes a ubrir o Tux Paint tendrás cientos de siellos y imachens bien pinchas a la tuya disposición, totz con o suyo nombre en aragonés.

Instalador provisional versión Tux Paint 0.9.22 ta Linux (RedHat, Fedora)

1. Existe un paquet RPM, que puetz baixar-te dende aquí u fendo clic aquí.
2. Instala-lo en o tuyo sistema Linux y sigue as instruccions que se dan ta la instalación en Windows pa la configuración d'idioma.

Instala tamién os siellos

1. Instala os siellos dende aquí, trigando os RPM d'os temas que t'interesen (te recomendamos baixar-los totz, son en o cobaixo d'a pachina) y instalando-los en o tuyo sistema.

Atros sistemas operativos

1. Compreba aquí si a versión 0.9.22 (a primera que ye en aragonés) ye disponible ta o tuyo sistema operativo. Si ye asinas, sigue o vinclo y as instruccions anteriors. Si amaneixe una versión anterior, puetz instalar-la pero encara no tendrás a posibilidat de fer servir o software en aragonés. No te deixes de baixar tamién os siellos. A partir d'a versión 2014.08.23 los tiens totz en aragonés.

Contacto

Puetz escribir a o correu softaragones@googlegroups.com u bien deixar o tuyo comentario en a pachina de discusión

Vinclos externos

• Pachina oficial de Tux Paint (en aragonés)
• Nota de prensa d'o lanzamiento d'a zaguera versión de Tux Paint (en aragonés)