Diferencia entre revisiones de «Lichess»

Zaguera versión d'o 10:00 13 ago 2020

Lichess ye un servidor d'escaques (aixedrez) de codigo ubierto en Internet, chestionau per una organización sin animo de lucro con o mesmo nombre. Qualsequiera puede chugar, encara que se recomienda rechistrar una cuenta pa chugar partidas evaluadas. No tiene anuncios y totas las suyas caracteristicas son disponibles de gratis.

• Mena de software: Software de chuegos en linia
• Licencia: Software Libre (AGPL)
• Plataforma: Windows, Linux, Mac, Android, iOS...
• Puesto web: lichess.org
• Mena de localización: Oficial d'o servidor, dende chuliol de 2020. Proximament se publicarán las apps pa Android y iOS con a localización en aragonés.
• Estau: Localización activa

Localización disponible en aragonés

• Localización completa d'o servidor y las apps d'Android y iOS.

Instruccions d'instalación

• Se puede acceder a lo servidor lichess.org dende qualsequier navegador. De primeras, se veyerá la localización correspondient a l'idioma preferiu d'o navegador. Per tanto, si l'aragonés ye l'idioma preferiu d'o navegador, alavez lo servidor s'amostrará en aragonés.

• Siga qual siga l'idioma d'o navegador, si tenemos u creamos una cuenta d'usuario, nomás hemos de fer clic en o nombre d'usuario, alto a la dreita. En o menú que i saldrá, femos clic en "Idioma" (u "Language", etc.) y triaremos l'aragonés. Dende ixe momento, siempre que dentremos en a nuestra cuenta, veyeremos la versión en aragonés d'o servidor.

• Si emplegamos las aplicacions de lichess pa Android u iOS, nomás hemos de tocar en as tres rayetas que salen alto a la zurda, dentrar en "Ajustes" (u "Settings", etc.), tocar en "Idioma" (u "Language"), y astí podremos triar l'Aragonés como idioma d'a nuestra app.

Contacto

Puetz deixar-nos un mensaches en os nuestros retz socials: facebook, twitter u instagram

Vinclos externos

• Servidor oficial de Lichess.org
• Pachina de l'app Lichess pa Android, en Google Play
• Pachina de l'app Lichess pa iOS, en l'App Store d'Apple