LibreOffice

De Wiki de Softaragonés
Ir ta: navego, busca

O LibreOffice ye un paquet ofimatico libre derivau de l'OpenOffice.org y manteniu por l'antiga comunidat d'OpenOffice.org. Contién un procesador de textos (Writer) compatible con Microsoft Word, un chestor de fuellas de calculo (Calc) compatible con Microsoft Excel, un editor de presentacions (Impress) compatible con Microsoft Power Point, un editor de bases de datos (Base) que puede importar bases de datos de Microsoft Access, un editor de dibuixos vectorials y graficos (Draw) y un editor de formulas matematicas (Math).

Dende a versión 3.5.0 (liberada o 14 de febrero de 2012), o LibreOffice incluye soporte total ta emplegar l'aragonés como luenga de producción de documentos, y traye preinstalau o corrector ortografico aragonés (en a suya versión 0.2beta). Ta fer-lo servir, nomás cal trigar l'aragonés como l'idioma d'o documento.

  • Mena de software: Suite ofimatica, procesador de textos, chestor de fuellas de calculo, editor de presentacions, editor de bases de datos, editor de dibuixos, editor de formulas matematicas.
  • Licencia: Software Libre (LGPLv3)
  • Plataforma: Windows, Linux, Mac
  • Sitio web: www.libreoffice.org
  • Mena de localización: Localización d'o programa en curso encara no disponible. Incluye soporte total ta fer servir l'aragonés en os documentos. Viene con o Corrector ortografico aragonés preinstalau.
  • Estau: Localización activa

Descarga

  • Baixe-se a zaguer versión d'o Libre Office (>3.5.0) con soporte ta l'aragonés aquí.

Localización disponible en aragonés

  • No ye disponible (encara) a localización en aragonés.
  • Ye disponible a selección de l'idioma aragonés como luenga d'o documento.
  • Soporte ta l'emplego de l'aragonés en tot o LibreOffice.
  • Soporte ta l'emplego d'o corrector ortografico aragonés.

Instruccions d'instalación

Cómo instalar LibreOffice

  • Baixe-se a zaguer versión d'o LibreOffice (>3.5.0) con soporte ta l'aragonés dende aquí. Dende o suyo ordinador execute o fichero d'instalación y siga as instruccions.


Cómo seleccionar a luenga aragonesa como luenga d'un documento

  • En o cobaixo d'a finestra de LibreOffice, trobará o nombre d'o idioma que ye fendo servir en o documento actual. Si i fa clic con o ratet, podrá trigar l'aragonés como idioma d'o documento (si no i sale, ha de fer clic en "Más..." y l'apareixerá un quadro de dialogo a on que podrá seleccionar l'aragonés).


Cómo seleccionar a luenga aragonesa como luenga por defecto ta os documentos de LibreOffice

  • En o menú de "Herramientas", punche en "Opciones". A la cucha, vaiga ta "configuración de idioma". Si puncha en o signo +, saldrá a opción "idiomas". I faiga clic. En "Idiomas predeterminados para los documentos", podrá seleccionar l'aragonés. No ixublide de fer clic en o botón "Aceptar" dimpués de seleccionar l'aragonés.


Cómo instalar o corrector ortografico

  • No cal instalar o corrector ortografico ya que viene preinstalau en todas as versions de LibreOffice dende a 3.5.0.
  • Aquí trobará una extensión ta instalar o corrector ortografico aragonés, por si l'hese desinstalau por error. Puede baixar-se a extensión en formato .oxt punchando en iste vinclo. Si amaneixese una nueva versión d'o corrector, podrá instalar-la emplegando ista extensión.
  • Ta instalar a extensión .oxt d'o corrector ortografico, punche en o menú de "Herramientas", y seleccione "Administrador de extensiones". En a finestra que surte, punche en o botón "Añadir...", y seleccione a rota en a que ha gravau o fichero .oxt. Habrá de reinstalar o LibreOffice ta activar a extensión.


Cómo fer servir o corrector ortografico

  • Quan selecciona l'aragonés como idioma d'o documento (u d'un paragrafo concreto), o corrector ortografico posará una rayeta de color roya debaixo d'as parolas que no figuren en o diccionario ortografico. Si puncha en ellas con o botón dreito d'o ratet, o corrector le sucherirá una lista de parolas pareixidas que sí figuran en o diccionario.
  • Trobará mas información sobre o corrector ortografico aquí.

Contacto

Puetz escribir a o correu softaragones@googlegroups.com u bien deixar o tuyo comentario en a pachina de discusión.

As sucherencias sobre o corrector automatico, las puede ninviar ta o correu an(dot)spellchecker(at)gmail(dot)com.

Vinclos externos

Obtenito de "http://softaragones.org/index.php?title=LibreOffice&oldid=224"