Telegram Messenger

Telegram Messenger ye una aplicación mobil de mensachería. Antiparte de ninviar mensaches entre usuarios, permite de creyar collas de conversa de dica 200 personas, compartir videos de dica 1GB, ninviar imachens y reninviar a l'inte qualsequier fichero multimedia que recibas. Totz os mensaches son alzaus en a boira, o que permite acceder a ells dende diferents dispositivos. Telegram incorpora un zifrau de mobil-ta-mobil, y permite as conversas secretas, que no s'almagazenan en os servidors de Telegram, y mesmo se pueden programar ta que s'autodestruigan en totz os dispositivos.

As aplicacions clients de Telegram Messenger tienen licencia de codigo ubierto ( GPLv2) y han estau desembolicadas por Telegram LLC.

• Mena de software: Sociedat, Aplicación mobil
• Licencia: GPLv2.
• Plataforma: Android (>=2.2), (l'aplicación ye disponible en iOS, pero no pas en aragonés)
• Sitio web: https://telegram.org/ (l'aplicación en aragonés se baixa dende o web de Softaragonés).
• Mena de localización: Aplicación derivada en aragonés, compilada por Softaragonés.
• Estau: Localización completa d'a versión d'Android.

Descarga

• L'aplicación puede descargar-se dende aquí.

Localización disponible en aragonés

• Localización completa d'a interfaz d'usuario.

Nuevas instruccions d'instalación (nomás en Android por agora)

Instalación individual (pa instalar-lo en un mobil tu solet/a)

1. Si no la tiens instalada, baixa y instala l'aplicación oficial dende https://play.google.com/store/apps/details?id=org.telegram.messenger
2. Baixa l'archivo en iste vinclo
3. Ubre a cuenta tuya de Telegram dende ista pachina https://web.telegram.org
4. Ubre una conversa con tu, u con a persona que quiers que tienga o telegram en aragonés
5. Quan recibas o fichero en o telefono, toca a la dreita d'o fichero, en as opcions d'o fichero (no pas en o meyo)
   1. Si te sale un mensache de "completar la acción", ye que has tocau o fichero en medio. Ye importante que le pretes en o cantón superior dreito.
6. Se t'obrirá un mensache, selecciona "Aplicar un fichero de localización", y dimpués trigas "aragonés".
7. Con ixo, ya habría de tener o telegram en aragonés.
8. Di-le-ne a atros contactos que puedan estar interesaus pa que más chen pueda disfrutar o Telegram en aragonés.

Instalación entre dos mobils (lo podetz instalar en uno u os dos mobils)

1. Si no la tiens instalada, baixa y instala l'aplicación oficial dende https://play.google.com/store/apps/details?id=org.telegram.messenger
2. Baixa l'archivo en iste vinclo
3. Dende o telegram d'un mobil, ninvia o fichero a l'atro mobil.
4. Quan recibas o fichero en o telefono, toca a la dreita d'o fichero, en as opcions d'o fichero (no pas en o meyo)
   1. Si te sale un mensache de "completar la acción", ye que has tocau o fichero en medio. Ye importante que le pretes en o cantón superior dreito.
5. Se t'obrirá un mensache, selecciona "Aplicar un fichero de localización", y dimpués trigas "aragonés".
6. Con ixo, ya habría de tener o telegram en aragonés.
7. Agora puetz repetir a operación dende o segundo mobil enta o primero, u ninviar-lo a atros contactos pa que puedan disfrutar o Telegram en aragonés.

Contacto

Puetz escribir a o correu softaragones(at)softaragones.org u bien deixar o tuyo comentario en a pachina de discusión

Vinclos externos

• Pachina web oficial de Telegram