Tux Paint
Tux Paint ye un programa de debuixo pa ninos de 3 a 12 anyos (infantil y primaria). Ye de codigo libre y ha ganau bells quantos premios. Tux Paint se fa servir en escuelas de tot o mundo como ferramienta ta l'aprendizache de debuixo por ordinador. Tien una interficie facil con divertius efectos de son y una mascota de debuixos animaus que guía a os ninos que fan servir o programa.
Tux Paint se puede instalar y distribuir librement en qualsequier ordinador con Windows, Mac OS X u Linux. O codigo fuent ye disponible baixo una licencia GNU GPL que permite as modificacions ta usos no comercials.
- Mena de software: Software de dibuixo, Software educativo
- Licencia: Software Libre (GNU General Public License)
- Plataforma: Windows, Linux, Mac
- Puesto web: www.tuxpaint.org/
- Mena de localización: Oficial d'o programa (dende a versión siguient a la 0.9.21c) y d'os siellos.
- Estau: Localización feita pendient d'una release oficial. Entremistanto s'ofreix una versión instalable ta windows.
Descarga
A localización d'o programa ye feita y aguardando a siguiente versión oficial d'o programa que amaneixerá en o web www.tuxpaint.org/. Entremistanto, ye posible d'instalar a versión 0.9.22 en sistemas Windows u Linux en Aragonés dende aquí
Localización disponible en aragonés
- A localización completa d'o programa y d'os siellos (que s'instalan aparte) serán disponibles quan saldrá a siguient versión estable. Entremistanto gracias a Shin-ichi Toyama s'ofreix una versión instalable d'o programa ta Windows y Linux.
Instruccions d'instalación
Instalador provisional versión Tux Paint 0.9.22 ta Windows
- En primeras baixa-te o instalador provisional fendo clic aquí.
- Executa o programa d'instalación en o tuyo ordinador, triga un idioma a fer servir en a instalación y sigue as instruccions.
- Dende o menú d'Inicio, en a carpeta Tux Paint, executa o programa de configuración Configure Tux Paint. O propio instalador tamién lanza o programa de configuración si le dices que execute o Tux Paint. En a finestra que te saldrá, puncha en a pestanya Languages, y en a sección Language: fe clic en lista desplegable ta trigar Aragonese. Dimpués puncha en Apply (u Aplicar) y ya puetz zarrar o programa (Quit).
- Ya puetz debuixar y desfrutar con Tux Paint en aragonés executando o programa en una finestra Tux Paint (Windowed) u bien en pantalla completa Tux Paint (Full Screen).
Instalador provisional versión Tux Paint 0.9.22 ta Linux
- Existe un paquet RPM, que puetz baixar-te fendo clic aquí.
- Instala-lo en o tuyo sistema Linux y sigue as instruccions que se dan ta la instalación en Windows.
Instalador d'os Siellos (Stamps)
- Descarga iste fichero comprimiu y descomprime-lo en un directorio d'o tuyo ordinador. O resultau será a creación d'una carpeta data. Copia a rota d'ixa carpeta (p. eix. C:\...\data\).
- Torna a executar o programa de configuración Configure Tux Paint. En a pestanya data, a la dreita, has de marcar o quadret que diz Use Alternative Data Directory, y en o quadro Alternative Data Directory: puetz copiar dreitament a rota d'a carpeta que has creau en o paso anterior. Tamién la puetz trobar navegando en o tuyo arbol de directorios con Browse.... Acorda-te de fer clic en o botón Apply ta que totz os cambios s'apliquen a o programa. Quan tornes a enchegar o Tux Paint tendrás a la tuya disposición bells cientos de siellos de toda mena, con a suya descripción en aragonés.
- Si no consigues fer a instalación que s'indica en os puntos anteriors pero quiers emplegar os siellos, puetz instalar simplament a zaguera versión publicada d'os siellos (stamps) dende http://www.tuxpaint.org/download/, pero en ella, as descripcions d'os siellos no amaneixen encara en aragonés.
Contacto
Puetz escribir a o correu softaragones@googlegroups.com u bien deixar o tuyo comentario en a pachina de discusión
