Corrector ortografico

De Wiki de Softaragonés
(Reendrezato dende Corrector ortografico Apertium)
Ir ta: navego, busca

O Corrector ortografico aragonés ye un sistema de revisión y correccion ortografica y analisi morfolochica ta l'aragonés basau en o motor Hunspell. Iste motor ye adequau ta luengas con gran riqueza flexima, y se fa servir en a-saber-los programas como Navegadors (Mozilla Firefox, Chrome, Opera...), clients de correu electronico (Mozila Thunderbird), procesadors de texto (LibreOffice, OpenOffice, Lyx, Abyword), sistemas operativos (Linux, Mac), etc.

  • Mena de software: Diccionario ortografico, Corrector ortografico, Ferramientas lingüisticas.
  • Licencia (paquete d'idioma aragonés): Software Libre (Trilicencia MPL, GPL u LGPL).
  • Licencia (motor Hunspell): Software Libre (MPL/LGPL).
  • Plataforma: Windows, Linux, Mac.
  • Mena de localización: Diccionario y fichero d'afixos Ficheros d'idioma ta l'aragonés. Antiparte d'o suyo uso como corrector independient, puede integrar-se en atros programas y sistemas operativos. Hue ye posible d'instalar versions ta fer servir con Firefox, Thunderbird, a suite Seamonkey, u a distribución Debian de Linux, pero puede emplegar-se en qualsiquier sistema que funcione con Hunspell.
  • Estau: En desembolique activo (versión actual 0.2.0 beta)

Descarga

Localización disponible en aragonés

  • Versión 0.2 (beta) (publicado o 6/11/2011)
  • 20851 dentradas de diccionario.
  • Regles REP y MAP ta amillorar as sucherencias tot considerando errors ortograficas tipicas.

Instruccions d'instalación

Cómo instalar o corrector ortografico en Firefox

  • Nota: No fa falta tener instalau o paquet d'idioma ta instalar o corrector ortografico.
  1. Ha de tener instalada una versión de Firefox superior u igual a la 2.0. Si no ye asinas, baixe-se-la dende aquí y instale-la.
  2. Instale a zaguera versión d'o corrector ortografico aragonés dende ista pachina (faiga-lo dende o suyo Firefox).
  3. Reinicie Firefox.
  4. O corrector funcionará en qualsiquier quadro que permita escribir textos. Si no le funciona, faiga clic con o botón dreito en o quadro de texto y marque Revisar Ortografía. A luenga d'o diccionario ortografico se triga fendo clic con o botón dreito en o quadro de texto, en a opción luengas.
  5. Quan escriba qualsiquier texto, quedarán subrayadas en royo as parolas no reconoixidas. Punchando en o botón dreito d'o ratet, trobará as sucherencias d'o corrector ta ixa parola.
  6. Si, amás d'o corrector, quiere instalar o paquet d'idioma aragonés, siga as instruccions que trobará aquí.

Cómo instalar o corrector ortografico en Thunderbird

  1. Ha de tener instalada una versión de Thunderbird 2.0. Si no la tiene, baixe-se-la [www.mozilla.org/thunderbird/ dende aquí] y instale-la.
  2. Descargue en o suyo ordinador a zaguer versión d'o corrector ortografico aragonés dende ista pachina.
  3. Vaiga ta Herramientas/Complementos, punche en l'icono que bi ha a la cucha d'o quadro de busca y prete en instalar complemento desde archivo, seleccione a rota d'o fichero y punche o botón d'instalar. Unatra traza talment más simpla d'instalar o complemento ye ubrir o menú Herramientas/Complementos y en o quadro de busca ficar "corrector aragonés", pretar l'intro y allora amaneixerá o complemento en a lista d'a dreita, punchar sobre ell y dimpués o botón d'instalar. Prou que ta ista traza d'instalar-lo no cal fer o trango anterior (baixar-se o complemento antis).
  4. Reinicie Thunderbird.
  5. O corrector funcionará quan escriba correus y en qualsiquier quadro que permita escribir textos. Si no le funciona, faiga clic con o botón dreito en o quadro de texto y marque Revisar Ortografía. A luenga d'o diccionario ortografico se triga fendo clic con o botón dreito en o quadro de texto, en a

opción luengas.

  1. Quan escriba qualsiquier texto, quedarán subrayadas en royo as parolas no reconoixidas. Punchando en o botón dreito d'o ratet, trobará as sucherencias d'o corrector ta ixa parola.

Cómo instalar o corrector ortografico en a suite Seamonkey

  1. Ha de tener instalada una versión de Seamonkey. Si no la tiene, baixe-se-la dende aquí y instale-la.
  2. Instale a zaguera versión d'o corrector ortografico aragonés dende ista pachina (Faiga-lo dende o navegador d'o Seamonkey).
  3. En o menú Ferramientas de Thunderbird, seleccione Complementos. Alto a la dreita sale una rueda dentada. Si i fa clic, trigue a opción "instalar complemento dende fichero...", y seleccione l'archivo que ha descargau (que tien extensión .xpi). Tamién puede arrocegar dreitament ixe fichero enta o a sección de Complementos.
  4. O corrector funcionará quan escriba correus. Si no le funciona dreitament u tien seleccionau belatro idioma, faiga clic con o botón dreito en o quadro de texto y marque Revisar Ortografía. A luenga d'o diccionario ortografico se triga fendo clic con o botón dreito en o quadro de texto, en a opción luengas.
  5. Quan escriba qualsiquier texto, quedarán subrayadas en royo as parolas no reconoixidas. Punchando en o botón dreito d'o ratet, trobará as sucherencias d'o corrector ta ixa parola.

Contacto

Puetz escribir a o correu an.spellchecker@gmail.com u bien deixar o tuyo comentario en a pachina de discusión

Vinclos externos

Obtenito de "http://softaragones.org/index.php?title=Corrector_ortografico&oldid=425"