Firefox

De Wiki de Softaragonés
Ir ta: navego, busca

Agora Firefox tamién ye disponible en dispositivos Android. Tiens la información aquí.

Mozilla Firefox ye un navegador web gratuito, de codigo ubierto, basau en o codigo desembolicau en o prochecto Mozilla.org. Las suyas caracteristicas prencipals son la rapidez y a facilidat d'instalación y d'emplego. Ye una aplicación segura, muit lichera y rapida, de vez que comple con os estandars mas importants d'Internet.

O Firefox incorpora buena cosa de funcions que en facilitan l'uso: plenament funcional nomás con o teclau, barra de ferramientas personalizable, administración de marcapachinas, integración de buscadors, blocache de finestras emerchents no requiestas, navegación rapida en pestanyas separadas ta cada web visitadas, chestión de contrasenyas, descarga automatica y simple de fichers, etc. En as zagueras versions ha amillorau las funcionalidat de protección d'a privacidat de l'usuario.

  • Mena de software: Navegador
  • Licencia: Software Libre (Trilicencia MPL, GPL u LGPL)
  • Plataforma: Windows, Linux, Mac
  • Sitio web: www.firefox.org
  • Mena de localización: Paquet d'idioma (complemento), interficie d'usuario completa (dende versión 9 dica versión actual). Tamién se puede instalar o Corrector ortografico aragonés.
  • Estau: Localización activa

Descarga

  • Instala a zaguer versión dende aquí.

Localización disponible en aragonés

  • A localización disponible ye completa y oficial.
  • Se dispone d'o Complemento "Corrector ortografico aragonés".

Instruccions d'instalación

Instalación de Firefox en aragonés

  1. Baixa-te o instalador d'o programa fendo clic en o botón verde que amaneix en esta pachina.
  2. Executa o programa y sigue as instruccions. Quan acabe a instalación tendrá o Firefox en aragonés.

Por un regular o programa de demandará que lo esvielles quan se publique una nueva versión d'o Firefox. Manimenos, en qualsequier momente puetz comprebar si tiens a zaguera versión indo ta ista pachina.

Si tiens Firefox ya instalau en belatro idioma y quiers emplegar la versión en aragonés, lo millor ye que lo tornes a instalar dende aquí. No te'n fagas perque te mantendrá totz los tuyos datos d'usuario. Pero si lo prefieres, tamién puetz ir ta "Opcions" (en as tres rayetas que salen alto a la dreita d'a finestra), buscar "Idioma" y triar astí l'aragonés como idioma d'o navegador. Puetz aproveitar pa indicar-le a Firefox que te faría goyo veyer los contenius en aragonés, quan vesites una pachina multilingüe..

Firefox mobil (pa dispositivos Android)

Trobarás toda a información en Firefox mobil.

Contacto

Puetz escribir a o correu softaragones@googlegroups.com u bien deixar o tuyo comentario en a pachina de discusión

Vinclos externos