Scratch

De Wiki de Softaragonés
Ir ta: navego, busca


Scratch ye un luengache de programación y una aplicación informatica destinada a os ninos, que fa posible creyar, con l'aduya d'una interficie grafica sencilla, historias interactivas, animacions, chuegos, musica y arte, y compartir as creyacions en a web. Lo desembolica o grupo Lifelong Kindergarten d'o MIT Media Lab, dende o verano de 2007. Ye disenyau pensando en l'aprendizache y a educación d'os ninos.

Scratch se puede instalar y distribuir librement en qualsequier ordinador con Windows, Mac OS X u Linux. O codigo fuent ye disponible baixo una licencia que permite as modificacions ta usos no comercials. Dende a versión 2.0, puede executar-se por medio d'un navegador web.

  • Mena de software: Luengache y entorno de programación, Software educativo
  • Licencia: Software Libre (GPLv2 y Scratch Source Code License)
  • Plataforma: Windows, Linux, Mac
  • Puesto web: www.scratch.mit.edu
  • Mena de localización: Oficial d'o programa (dende a versión 1.4) y o puesto web.
  • Estau: Localización activa (versión actual: 2.0)

Descarga

Scratch 2.0

En primeras visita o puesto web de Scratch http://scratch.mit.edu/projects/editor/. Abaixo a la dreita trobarás un menú desplegable d'idioma. Triga-ie aragonés. Ta programar en Scratch no cal descargar garra fichero. Puetz treballar con Scratch 2.0 en http://scratch.mit.edu/projects/editor/. En o cobalto d'a pachina, y a la zurda, trobarás o logo de Scratch, y a la suya dreita, un icono con un globo terraquio. Punchando en o globo podrás seleccionar l'aragonés.


Scratch 1.4

  • Baixa-te o Scratch 1.4 dende aquí
  • Baixa-te o fichero de localización ta l'aragonés dende aquí
  • Sigue as instruccions que se dan mas enta abaixo.

Localización disponible en aragonés

  • Localización completa d'o programa y d'a pachina web.

Instruccions d'instalación

Scratch 2.0

  1. En primeras visita o puesto web de Scratch http://scratch.mit.edu/projects/editor/. Abaixo a la dreita trobarás un menú desplegable d'idioma. Triga-ie aragonés.
  2. No aprecisa instalación. Puetz treballar con Scratch 2.0 en http://scratch.mit.edu/projects/editor/.
  3. En o cobalto d'a pachina, y a la zurda, trobarás o logo de Scratch, y a la suya dreita, un icono con un globo terraquio. Punchando en o globo podrás seleccionar l'aragonés como idioma de treballo.
  4. Ya puetz programar en aragonés!

Scratch 1.4

  1. Compreba si tiens instalau o Scratch 1.4 en o tuyo ordinador.
  2. Si no lo tiens, baixa-lo dende aquí y sigue as instruccions que se dan pa instalar-lo.
  3. Compreba en qué carpeta ha quedau instalau o programa Scratch (por eixemplo, en Windows, podría estar C:\Program Files (x86)\Scratch\)
  4. Dentro d'ixa carpeta, dentra en a carpeta locale (ye decir, por eixemplo: C:\Program Files (x86)\Scratch\locale )
  5. Copia en a carpeta locale o fichero de localización ta l'aragonés que trobarás aquí.
  6. Ubre o programa Scratch, y en a barra de menús, alto a la zurda, trobarás o dibuixo d'una esfera (a la dreita d'o logo de Scratch). Punchando astí podrás cambiar l'idioma d'a tuya interficie, y te i amaneixerá l'aragonés. Puncha-ie y ya lo tiens.

Contacto

Puetz escribir a o correu softaragones@googlegroups.com u bien deixar o tuyo comentario en a pachina de discusión

Vinclos externos