Swiftkey (Teclau predictivo)

Lo Teclau Predictivo SwiftKey Keyboard ye una aplicación gratuita de teclau pa Android que ofreix predicción d'a siguient parola, autocorrección intelichent, compatibilidat con mas de 800 emoticonos, predicción d'emoticonos y muitas mas funcionalidatz, como lo reconoiximiento d'a escritura eslizando lo dido. SwiftKey ye un telcau alternativo que ofreix una escritura intelichent y rapida en Android. Conta con buena cosa de funcions de personalización, incluyius mas de 30 temas, colors, disposicions pa totas las midas de pantalla y dispositivos y compatibilidat con mas de 60 idiomas. Lo sistema aprende d'o que se va escribindo, fendo asinas prediccions personalizadas. Se pueden trigar dica tres idiomas simultaniament.

• Mena de software: Teclau predictivo, Aplicación mobil, Ferramientas lingüisticas.
• Licencia: Sofware propietario.
• Plataforma: Android, iOS
• Mena de localización: Teclau predictivo totalment funcional en aragonés. Puede seleccionar-se nomás l'aragonés u en chunto con uno u dos idiomas mas. Manimenos, l'aplicación no ye localizada en aragonés, s'emplega en a luenga d'o sistema operativo. Dende agosto de 2016 l'aragonés ye incluyiu en l'aplicación pa dispositivos Android, y dende mayo de 2017 tamién en iOS.
• Estau: En desenvolvimiento activo.

Descarga

• Descarga y instala l'aplicación en o tuyo dispositivo Android dende aquí.

Localización disponible en aragonés

• L'aragonés ye incluyiu en a versión pa Android dende lo 12/08/2016.
• L'aragonés ye incluyiu en a versión pa iOS dende lo 19/05/2017.

Instruccions d'instalación (Android)

1. Descarga y instala l'aplicación en o tuyo dispositivo Android dende aquí.
2. Sigue las instruccions que te da l'aplicación pa:
   1. activar l'aplicación como un posible teclau d'o tuyo dispositivo.
   2. triar-la como aplicación por defecto (si dimpués no te convence, podrás tornar-lo a cambiar quan quieras)
   3. crear una cuenta si quiers (no ye obligatorio, pero si lo fas, te permitirá levar las tuyas personalizacions a totz los tuyos dispositivos).
3. En las funcions de personalización d'o teclau, toca en l'apartau "Idiomas". Astí, en a sección "Disponible para descargar" trobarás la opción de descargar lo teclau en aragonés. Si quiers, puetz trigar simultaniament dica tres idiomas, encara que lo funcionamiento optimo ye nomás con un idioma cada vez.
4. Ya puetz escribir correus, mensaches, sms u lo que quieras en aragonés muito mas rapidament, con l'aduya d'iste teclau predictivo.

Instruccions d'instalación (iOS)

1. Descarga y instala l'aplicación en o tuyo dispositivo iOS [1].
2. Sigue las instruccions que te da l'aplicación pa:
   1. activar l'aplicación como un posible teclau d'o tuyo dispositivo.
   2. triar-la como aplicación por defecto (si dimpués no te convence, podrás tornar-lo a cambiar quan quieras)
   3. crear una cuenta si quiers (no ye obligatorio, pero si lo fas, te permitirá levar las tuyas personalizacions a totz los tuyos dispositivos).
3. En las funcions de personalización d'o teclau, toca en l'apartau "Idiomas". Astí, en a sección "Disponible para descargar" trobarás la opción de descargar lo teclau en aragonés. Si quiers, puetz trigar simultaniament dica tres idiomas, encara que lo funcionamiento optimo ye nomás con un idioma cada vez.

Contacto

Puede escribir a lo correu softaragones(at)softaragones.org u bien deixar lo tuyo comentario en a pachina de discusión

Vinclos externos

• Aplicación pa Android
• Aplicación pa iOS
• Web de Swiftkey.