Diferencia entre revisiones de «Facebook»
De Wiki de Softaragonés
(→Instruccions d'instalación) |
|||
| Linia 9: | Linia 9: | ||
*'''Sitio web''': [http://www.facebook.com www.facebook.com] | *'''Sitio web''': [http://www.facebook.com www.facebook.com] | ||
*'''Mena de localización''': No oficial. Se puede instalar un Script que fa una traducción parcial d'a interficie d'usuario, incluindo-ie os mensaches y opcions mas emplegaus. | *'''Mena de localización''': No oficial. Se puede instalar un Script que fa una traducción parcial d'a interficie d'usuario, incluindo-ie os mensaches y opcions mas emplegaus. | ||
| − | *'''Estau''': Script en millora contina. | + | *'''Estau''': Script en millora contina. A zaguera versión ye a 1.0.3. |
== Descarga == | == Descarga == | ||
Versión d'o 15:35 9 chul 2012
O Facebook ye un d'os retz socials mas conoixius. Creyau en 2004, y perteneixient a la companyía privada Facebook, Inc., permite d'adhibir a chent como amigos, ninviar mensaches, compartir vinclos, fotografía y videos, entre atras cosas. Tien hue mas de 400 millons d'usuarios por tot o mundo.
Actualment, l'aragonés no ye entre as luengas suportadas en Facebook. O que presentamos aquí ye un script desembolicau por Kevin Scannell (valido ta os navegadors Firefox y Chrome) de conchunta con Softaragonés, que fa una traducción parcial d'os mensaches mas emplegaus en a interficie de Facebook.
- Mena de software: Ret social
- Licencia: Servicio web propietario
- Plataforma: Windows, Linux, Mac
- Sitio web: www.facebook.com
- Mena de localización: No oficial. Se puede instalar un Script que fa una traducción parcial d'a interficie d'usuario, incluindo-ie os mensaches y opcions mas emplegaus.
- Estau: Script en millora contina. A zaguera versión ye a 1.0.3.
Descarga
- A zaguera versión d'o script de traducción se puede baixar u instalar dende aquí (puncha en o botón Instalar, alto a la dreita). En tot caso, si ye a primer vegada que lo emplegas, ye millor que sigas as instruccions que se dan mas enta abaixo.
Localización disponible en aragonés
- Traducción parcial d'a interficie d'usuario, gracias a un script instalau en o navegador.
Instruccions d'instalación
En primeras, para cuenta que:
- No ye una instalación completa ni oficial de Facebook, pero mira de que se veigan traducius os mensaches mas emplegaus en Facebook.
- Has d'emplegar Firefox u Chrome. Si no, no funcionará.
- Ta que funcione correctament, has de meter Facebook en idioma Español, sin garra indicación rechional (España, Chile, etc). Malas que tiengas o script instalau, veyerás que amaneixe como Aragonés. Ta ixo, ves ta puncha aquí u ves ta l'adreza (https://www.facebook.com/ajax/intl/language_dialog.php) quan sigas dentro d'a tuya cuenta de Facebook. U ves ta la opción Idioma en dentro d'o menú de Configuración de Cuenta.
Si ya yes presto, sigue istas instruccions seguntes o tuyo navegador:
Instalación en Firefox
- Has d'instalar un complemento ta Firefox clamau Greasemonkey, que adhibe funcionalidatz a Firefox. Lo puetz instalar punchando en iste vinclo y pretando o botón d'Instalar. Dimpués sigue as instruccions, y reinicia o Firefox.
- Agora ves ta ista pachina, y puncha en o botón verde que diz Install, alto a la dreita. Tamién lo puetz fer punchando aquí. Fe caso a las instruccions, pretando o botón d'instalar, y reinicia o Firefox malas que remate a instalación, y ya lo tiens!!.
- Ya lo tiens!. Ves ta Facebook y fe-lo servir en aragonés.
- Quan dentres en o tuyo Facebook, compreba que lo tiens configurau en idioma "Español" (sin indicación rechional), ya que si lo tiens en "Español (España)" u en belatro idioma no funcionará de tot.
- Si no te funcionase encara, compreba en o Menú "Ferramientas/Complementos" que o complemento Greasemonkey ye activau. Tamién veyerás un quadret con un mico a la fin d'a barra d'adrezas de Firefox. Si ye en color grisenco, puncha en él, y habilitalo punchando en 'Enabled'. Si ye en colors, ye que ya lo tiens activau. Quan i punches, compreba tamién que o script "facebook-an" ye marcau.
Instalación con Google Chrome
- Ye muito mas facil. Ves ta ista pachina, y puncha en o botón verde que diz Install, alto a la dreita. Tamién lo puetz fer punchando aquí. Fe caso a las instruccions, indicando que lo quiers instalar, y reinicia o Chrome quan remate a instalación.
- Ya lo tiens!. Ves ta Facebook y fe-lo servir en aragonés.
- Quan dentres en o tuyo Facebook, compreba que lo tiens configurau en idioma "Español" (sin indicación rechional), ya que si lo tiens en "Español (España)" u en belatro idioma no funcionará de tot.
Contacto
Puetz escribir a o correu softaragones@softaragones.org u bien deixar o tuyo comentario en a pachina de discusión
