Diferencia entre revisiones de «Firefox»

Versión d'o 17:19 6 feb 2014

O Mozilla Firefox ye un navegador web gratuito, de codigo ubierto, basau en o codigo desembolicau en o prochecto Mozilla.org. As suyas caracteristicas prencipals son a rapideza y a facilidat d'instalación y d'emplego. Ye una aplicación muit lichera y rapida, de vez que comple con os estandars mas importants d'Internet.

O Firefox incorpora un gran numbro de funcions que en facilitan l'uso: plenament funcional nomás con o teclau, barra de ferramientas personalizable, administración de marcapachinas, integración de buscadors, blocache de finestras emerchents no requiestas, navegación rapida en pestanyas separadas ta cada web visitadas, chestión de contrasenyas, descarga automatica y simpla de fichers, etc.

• Mena de software: Navegador
• Licencia: Software Libre (Trilicencia MPL, GPL u LGPL)
• Plataforma: Windows, Linux, Mac
• Sitio web: www.firefox.org
• Mena de localización: Paquet d'idioma (complemento), interficie d'usuario completa (dende versión 9 dica versión actual). Tamién se puede instalar o Corrector ortografico aragonés.
• Estau: Localización activa

Descarga

• Instala a zaguer versión dende aquí.

• Baixa-te a zaguer versión d'o paquet d'idioma dende aquí (permite veyer-lo en aragonés dimpués d'haber-lo instalau en belatro idioma).

• Baixa-te tamién a zaguer versión d'o corrector ortografico aragonés ta Firefox.

Localización disponible en aragonés

• A localización disponible ye completa y oficial.
• Se dispone de Paquetz d'idioma dende a versión 9.
• Se dispone d'o Complemento "Corrector ortografico aragonés".

Instruccions d'instalación

Cómo instalar o Firefox en aragonés

Si quiers tener a instalación en atro idioma pero de cabo ta quan emplegar a versión en aragonés, sigue as instruccions de mas t'abaixo, que indican Cómo instalar o paquet d'idioma aragonés.

En iste video se nos amuestra cómo fer a instalación d'o paquet d'idioma aragonés y o corrector ortografico en 3 minutos

Cómo instalar o paquet d'idioma aragonés

1. Compreba que tiens instalada una versión de Firefox superior u igual a la 9.0. Si no ye asinas, baixa-te-lo dende aquí y instala-lo en o idioma que prefieras.
2. Instala o paquet d'idioma aragonés dende ista pachina, u bien dende aquí si tiens una versión anterior.
3. Instala o complemento Locale Switcher dende aquí.
4. Reinicia Firefox.
5. En o menú de "Herramientas" u "Tools", cambia l'idioma en a opción "Language" u "Idioma" y triga "Aragonés". Si no te salise a barra de menús en o cobalto, preta a tecla "Alt" y amaneixerán.
6. Torne a reiniciar quan lo pida o programa, y equiliquá!

Cómo instalar o corrector ortografico

• Nota: No fa falta tener instalau o paquet d'idioma ta instalar o corrector ortografico.

1. Has de tener instalada una versión de Firefox superior u igual a la 2.0. Si no ye asinas, baixa-te-la dende aquí y instala-la.
2. Instala a zaguera versión d'o corrector ortografico aragonés dende ista pachina.
3. Reinicia Firefox.
4. O corrector funcionará en qualsiquier quadro que permita escribir textos. Si no te funciona, fe clic con o botón dreito en o quadro de texto y marque Revisar Ortografía. A luenga d'o diccionario ortografico se triga fendo clic con o botón dreito en o quadro de texto, en a opción luengas.

Contacto

Puetz escribir a o correu softaragones@googlegroups.com u bien deixar o tuyo comentario en a pachina de discusión

Vinclos externos

• Pachina oficial de Mozilla en aragonés (d'astí se puede baixar o programa).
• Pachina de recursos d'idioma (incluindo l'aragonés).
• Corrector ortografico ta Firefox
• Pachina oficial de Mozilla
• Pachina oficial de Firefox
• Pachina oficial de complementos de Mozilla