Firefox
O Mozilla Firefox ye un navegador web gratuito, de codigo ubierto, basau en o codigo desembolicau en o prochecto Mozilla.org. As suyas caracteristicas prencipals son a rapideza y a facilidat d'instalación y d'emplego. Ye una aplicación muit luchera y rapida, de vez que comple con os estandars prencipals d'Internet.
O Firefox incorpora un gran numbro de funcions que en facilitan l'uso: plenament funcional nomás con o teclau, barra de ferramientas personalizable, administración de marcapachinas, integración de buscadors, blocache de finestras emerchents no requiestas, navegación rapida en pestanyas separadas ta cada web visitadas, chestión de contrasenyas, descarga automatica y simpla de fichers, etc.
- Mena de software: Navegador
- Licencia: Software Libre (Trilicencia MPL, GPL u LGPL)
- Plataforma: Windows, Linux, Mac
- Sitio web: www.firefox.org
- Mena de localización: Paquet d'idioma (complemento), interficie d'usuario completa (dende versión 9 dica versión actual). Tamién se puede instalar o Corrector ortografico aragonés.
- Estau: Localización activa
Descarga
- Baixe-se a zaguer versión dende aquí
- Paquet d'idioma aragonés ta o Firefox 10.*.
- Paquet d'idioma aragonés ta o Firefox 9.*.
- Baixe-se tamién a zaguer versión d'o corrector ortografico aragonés ta Firefox.
Localización disponible en aragonés
- A localización disponible ye completa fueras d'as pachinas d'aduya.
- Se dispone de Paquetz d'idioma dende a versión 9.
- Se dispone d'o Complemento "Corrector ortografico aragonés".
Instruccions d'instalación
Cómo instalar o paquet d'idioma
- Comprebe que tiene instalada una versión de Firefox superior u igual a la 9.0. Si no ye asinas, baixe-se-lo dende aquí y instale-lo.
- Instale o paquet d'idioma aragonés dende ista pachina, u bien dende aquí si tiene una versión anterior.
- Instale o complemento Locale Switcher dende aquí.
- Reinicie Firefox.
- En o menú de "Herramientas" u "Tools", cambie l'idioma en a opción "Language" u "Idioma" y trigue "Aragonés". Si no le salise a barra de menús en o cobalto, prete a tecla "Alt" y amaneixerán.
- Torne a reiniciar quan lo pida o programa, y equiliquá!
Cómo instalar o corrector ortografico
- Nota: No fa falta tener instalau o paquet d'idioma ta instalar o corrector ortografico.
- Ha de tener instalada una versión de Firefox superior u igual a la 2.0. Si no ye asinas, baixe-se-la dende aquí y instale-la.
- Instale a zaguera versión d'o corrector ortografico aragonés dende ista pachina.
- Reinicie Firefox.
- O corrector funcionará en qualsiquier quadro que permita escribir textos. Si no le funciona, faiga clic con o botón dreito en o quadro de texto y marque Revisar Ortografía. A luenga d'o diccionario ortografico se triga fendo clic con o botón dreito en o quadro de texto, en a opción luengas.
