NVDA

O NonVisual Desktop Access (NVDA) ye un lector de pantalla de codigo fuent ubierto ta o sistema operativo Microsoft Windows. Furnindo información por sintesi de voz y/u Braille, fa posible que as personas ciegas u con problemas de visión puedan acceder y interactuar con ordinadors con o sistema operativo Windows y muitos programas. Puede executar-se de raso dende una unidat USB, sin garra instalación. Ye desembolicau por NV Access, con contribucions d'a comunidat.

• Mena de software: Utilidatz d'accesibilidatz
• Licencia: Software Libre (Licencia GNU GPL v2).
• Plataforma: Windows.
• Puesto web: www.nvda-project.org
• Mena de localización: Localización oficial. Dende a version 2013.1 se puet descargar con a traducción ta l'aragonés incorporada, y tamién con una voz d'eSpeak pa leyer os textos en aragonés.

Descarga

• Baixa-te d'aquí a zaguera versión d'o NVDA y, tot habendo-lo instalau, executa-lo. Ta seleccionar l'idioma has de pretar de vez a "tecla NVDA" (por defecto a tecla Insert) y N, u bien fer clic con o botón dreito d'o ratet en l'icono de NVDA que trobarás en a barra d'acceso rapido de Windows. Dimpués selecciona o menú Preferencias, dimpués Opcions Chenerals, y astí trobarás un menú desplegable a on podrás seleccionar l'aragonés. O programa recordará ista triga quan tornes a fer servir o programa.

Localización disponible en aragonés

• Localización completa d'a interfaz d'usuario.

Instruccions d'instalación

1. Baixa-te o programa NVDA dende a pachina oficial de NVDA.
2. Instala-lo en o tuyo ordinador (isto da as funcionalidatz completas) u creya una copia portable (tamién se puet emplegar o lector de pantalla dende o mesmo executable). O programa empecipiará a leyer dende ixe momento o que trobe en a pantalla.
3. Executa o programa.
4. Preta de vez a "tecla NVDA" (por defecto Insert) y a tecla N, y amaneixerá un menú contextual. Selecciona-ie o menú Preferencias, dimpués Opcions Chenerals, y astí trobarás un menú desplegable a on podrás seleccionar l'aragonés (Aragonés, an).
5. Alternativament, puetz punchar con o botón dreito d'o ratet en l'icono de NVDA d'a barra d'acceso rapido de Windows. Selecciona-ie o menú Preferencias, dimpués Opcions Chenerals, y astí trobarás un menú desplegable a on podrás seleccionar l'aragonés (Aragonés, an).
6. Ya puetz fer servir o programa NVDA en aragonés. O programa recordará a tuya preferencia d'idioma. Si en tiens una versión antiga, ye recomendable que esvielles o programa.

Contacto

Puede escribir a o correu softaragones(at)softaragones.org u bien deixar o suyo comentario en a pachina de discusión

Vinclos externos

• Pachina oficial de NVDA