Firefox mobil

De Wiki de Softaragonés
Ir ta: navego, busca

Esta ficha ye sobre Firefox mobil (pa Android y iOS). Trobarás información sobre Firefox pa ordinadors d'escritorio en esta ficha.

Mozilla Firefox ye un navegador web gratuito, de codigo ubierto, basau en o codigo desenvuelto en o prochecto Mozilla.org. Las suyas caracteristicas principals son a rapidez y a facilidat d'instalación y d'emplego. Ye una aplicación muit, segura, liuchera y rapida, de vez que cumple con os estandars mas importants d'Internet y ofreix protección d'a privacidat.

Firefox incorpora buena cosa de funcions que en facilitan l'uso, tamién en dispositivos mobils.

  • Mena de software: Navegador
  • Licencia: Software Libre (Trilicencia MPL, GPL u LGPL)
  • Plataformas: Android y iOS (a versión de sobremesa se describe en ista ficha.)
  • Sitio web: https://www.mozilla.org/an/firefox/mobile/ Android: Google Play. iOS: AppStore
  • Mena de localización: Localización oficial dende a versión 33. En iOS dende marzo de 2018.
  • Estau: Localización oficial activa

Localización disponible en aragonés

  • A localización disponible ye completa y oficial.

Instruccions d'instalación (Android)

  1. Instala en o tuyo dispositivo a zaguer versión dende Google Play.
  2. Por defecto amaneixerá en a luenga en que tiengas l'Android d'o tuyo mobil u tablet. Pa meter-lo en aragonés, preta o botón de menú d'o dispositivo. En o menú que se desplegará, has de tocar "Configuración", "Settings" u "Paràmetres" (seguntes a luenga predeterminada d'o tuyo Android). En o nuevo menú, ves ta la opción "General" y en o nuevo menú toca en "Idioma", "Language" u "Llengua". Si tocas en o idioma de navegación que te salga, te saldrá un listau de luengas. En o inicio d'a lista (por orden alfabetico) trobarás l'aragonés. Toca astí y ya puetz navegar en o tuyo mobil u table con Firefox en Aragonés.

Instruccions d'instalación (iOS, iPhones, iPads)

  1. Instala en o tuyo dispositivo a zaguer versión dende AppStore.
  2. Por defecto amaneixerá en a luenga en que tiengas l'iPhone u iPad. Como l'iPhone no se puede meter de raso aragonés, lo puetz tener en has de triar l'aragonés como primera opción en "Orden preferido para los idiomas" en a configuración d'o dispositivo, per debant de l'idioma d'o dispositivo. Asinas qualsequier aplicación que tienga versión en aragonés, te saldrá en aragonés, como lo Firefox pa iOS.

Contacto

Puetz escribir a o correu softaragones@googlegroups.com u bien deixar o tuyo comentario en a pachina de discusión

Vinclos externos