Diferencia entre revisiones de «Firefox mobil»

Versión d'o 08:55 16 oct 2014

Ista ficha ye sobre Firefox mobil (pa Android). Trobarás información sobre Firefox pa ordinadors d'escritorio en ista ficha.

O Mozilla Firefox ye un navegador web gratuito, de codigo ubierto, basau en o codigo desembolicau en o prochecto Mozilla.org. As suyas caracteristicas prencipals son a rapideza y a facilidat d'instalación y d'emplego. Ye una aplicación muit lichera y rapida, de vez que cumple con os estandars mas importants d'Internet.

O Firefox incorpora un gran numbro de funcions que en facilitan l'uso, tamién en dispositivos Android.

• Mena de software: Navegador
• Licencia: Software Libre (Trilicencia MPL, GPL u LGPL)
• Plataforma: Android (a versión de sobremesa se describe en ista ficha.)
• Sitio web: https://www.mozilla.org/an/firefox/android/ Google Play
• Mena de localización: Localización oficial dende a versión 33.
• Estau: Localización oficial activa

Localización disponible en aragonés

• A localización disponible ye completa y oficial.

Instruccions d'instalación

1. Instala en o tuyo dispositivo a zaguer versión dende Google Play.
2. Por defecto amaneixerá en a luenga en que tiengas l'Android d'o tuyo mobil u tablet. Pa meter-lo en aragonés, preta o botón de menú d'o dispositivo. En o menú que se desplegará, has de tocar "Configuración", "Settings" u "Paràmetres" (seguntes a luenga predeterminada d'o tuyo Android), y en o nuevo menú toca en "Idioma", "Language" u "Llengua". Si tocas en o idioma de navegación que te salga, te saldrá un listau de luengas. En o inicio d'a lista (por orden alfabetico) trobarás l'aragonés. Toca astí y ya puetz navegar en o tuyo mobil u table con Firefox en Aragonés.

Contacto

Puetz escribir a o correu softaragones@googlegroups.com u bien deixar o tuyo comentario en a pachina de discusión

Vinclos externos

• Pachina oficial de Mozilla en aragonés.
• Pachina oficial de Firefox mobil.
• Firefox mobil en Google Play (dende astí puetz instalar l'aplicación .